والأشده لأهلها

[الشاهين]

وينك يا عابر سبيل = وينك يالسيف الصقيل
قم عانق المستحيل = والأشده لأهلها
خلها على المكشوف = واللي يشوفها يشوف
يمكن تفهمها الضعوف = والأشده لأهلها

[عابر سبيل]

بتزعل علينا السيحاني مير الله المستعان :)


مرحبا بك يا الشاهين = في منتدى السياحين
أقولها ملايين = والأشده لأهلها
ويا جاهلن مقامك = انتبه لكلامك
قبل انكسر عظامك = والأشده لأهلها

[الشاهين]

اطلب التيسير من الله :)


تسلم يمين الطحطوح = اللي بناله صروح
عسى يفداه المجروح = والأشده لأهلها
ما نشره على الرخوم = واللي ما يحرز يقوم
شرهتنا على القروم = والأشده لأهلها

[بوفهد]

صح الله السنتكم ومتابعكم بصمت :)

[عابر سبيل]

ياهلا يابوفهد متابعة شرف لنا طال عمرك عسانا بس ماننحرم من ابتساماتك :)

[عابر سبيل]

السوالف كثيره = يا قناة الجزيره
زيف وخداع وغيره = والأشده لأهلها
ياماعطينا التبرير = للأصم وللضرير
نحسبن فيه تقدير = والأشده لأهلها

[الشاهين]

النصايح ما تفيد = فالبليد وفالعنيد
ماينفع غير الحديد = والأشده لأهلها
وصّلوله رساله = تقصر بها حباله
ماخذى له وكاله = والأشده لأهلها

[عابر سبيل]

تدحم بالجنب الضعيف = خفيف ودمك خفيف
ما انت بعلينا كليف = والأشده لأهلها
العرب لا قدّموك = فالمواقف وأبرزوك
جمّلهم لارحم أبوك = والأشده لأهلها

[الشاهين]

صح الله لسانك ياعابر سبيل ولاهنت :)

[مطلق رحيم السيحاني]

صح السانك يالشاهين وبارك الله فيك