عدد ماهل همال الخيال وسالت الوديان

[معدي المرقاب]

عدد ماهل همال الخيال وسالت الوديان / سلام الله على اهل المنتدى واللي يزورونه


انا شاعر وادور شاعرن بالمعرفه فنان / حكيمن فالمعاني والطريق ادله عيونه

[فهد السيحاني]

صح السانك يا معدي المرقاب ومنظرين قبيلك

[كلاش]

هلا يا مرحبا ترحيبتن مثل الورود ألوان = عدد ما هب نسناس الهبوب وحرك غصونه
يقولون العوارف الكتاب يبين من عنوان = وانا ماني مصدق لين اسمع اللي تقولونه

[معدي المرقاب]

يدوم الك البقا والبيت مايبنى بلا سيسان / عطيتك علم واضح وانت بيتك جود ركونة


ليا صفو على دهم الخيول بداخل الميدان / عسى سابقك تسبق والجوايز معك مضمونة

[كلاش]

والا يا الشاعر الفنان اختلف عندك الميزان = وعلمك يا وسيع العرف كل الناس يقرونه

عسى ربي يبيح اهل القنا والخيل واهل الشان = ولا أدري نقض والا فتل هذا اللي تجيبونه

[معدي المرقاب]

الا يازينها لاصارت الحبه على النيشان / على راس الهدف ياصاحبي ماهيب من دونه


يقولون البحر فيه داخله لولو وبه مرجان/ لعلك تغطس البحر الحمر وتجيب مكنونه

[كلاش]

والا ياللي تلد العين للأقدام والكرعان = ماني باللي يسوم بضاعتك ويمد عربونه
تدق النجر وان جيناك تشحذ هيل وزعفران = وهذي في سلوم البدو فيها ريحة عفونه

[معدي المرقاب]

الا يالله يارحمن ياحنان يامنان / توفقنا العميل اللي يعرف الشعر وفنونه


الا ياكلاش يابن الناس يافاضي ويامليان/ تبى تنثر حبوبك للرحى وتجيك مطحونه

[كلاش]

الا يالله يا رافع عيسى ومفهّم سليمان = تخارجنا من اللي يدحم الضلعان بقرونه
تبا تلعب على معناي وأنت المبتدي يافلان = وأنا من عقب هذي غاسل ايديني بصابونه